Ministrja e Punëve të Jashtme të Kosovës, Donika Gërvalla, ka konfirmuar se do të jetë pjesë e takimit të ministrave të Jashtëm të Ballkanit Perëndimor në Bruksel, nën drejtimin e shefit të diplomacisë evropiane, Josep Borrell.

Ajo përmes një postimi në platformën “X”, ka thënë se sulmi paraushtarak i Serbisë në Kosovë më 24 shtator ndryshon gjithçka dhe dëshmon urgjencën e përballjes me kërcënimet e mëdha të sigurisë.

“Për Kosovën dhe rajonin, sulmi paraushtarak i Serbisë i shtatorit 24 ndryshon gjithçka dhe dëshmon urgjencën e përballjes me kërcënimet e mëdha të sigurisë”, ka shkruar Gërvalla.