Haxhiu takohet me kryesuesin e KGjK-së, bisedojnë për sfidat e sistemit gjyqësor
15 nëntor 2023
| 13:57
Kryesuesi i Këshillit Gjyqësor të Kosovës (KGjK), Albert Zogaj, pritën sot në takim ministren e Drejtësisë, Albulena Haxhiu.
Gjatë këtij takimi, Zogaj ka diskutuar me Haxhiun lidhur me aktivitetet e Këshillit, objektivat dhe sfidat me të cilat po përballet sistemi gjyqësor.
Po ashtu, Zogaj ka thënë se KGjK po i ndërmerr hapat e nevojshëm për arritjen e qëllimeve drejt rritjes së efikasitetit, përmirësimit të performancës si dhe rritjes së transparencës dhe llogaridhënies.
Me këtë rast, ministrja Haxhiu ka theksuar se është e hapur dhe e gatshme në ofrimin e përkrahjes për institucionet e drejtësisë në mënyrë që të kthehet besimi i qytetarëve në drejtësi.