Për ndeshjen ndaj Zvicrës ka folur edhe futbollisti Alban Ajdini, i cili e vlerëson këtë përballje ndaj zviceranëve shumë të vështirë.

“Do të jetë ndeshje e vështirë. Do të ketë shumë shikues. Do të jenë shumë shqiptarë aty, por na pret një sfidë shumë e vështirë”, ka thënë Ajdini.

Ky i fundit është shprehur i lumtur që është bërë pjesë e “dardanëve”: “Është një ndjenjë shumë e mirë. Jam shumë krenar që jam pjesë e Kosovës dhe do ta jap maksimumin për këtë fanellë. Pritja? Lojtarët më kanë pritur shumë mirë, stafi po ashtu dhe do ta jap maksimumin për këtë fanellë”.