![](https://www.epokaere.com/wp-content/uploads/2023/11/4CDCBFF7-2706-45A7-BFEE-E71A20DA454A-1024x576-1.jpeg)
Edhe një fitore për hendbollistet e Istogut
29 nëntor 2023
| 11:56
Hendbollistet e skuadrës kampione, Istogut, e kanë fituar edhe një ndeshje në Superligën e Kosovës. Të martën u zhvillua ndeshja e mbetur e xhiros së tetë, Istogu – Vëllaznimi.
Skuadra istogase fitoi me rezultatin bindës, 42:20. Kjo ndeshje ishte shtyrë për shkak të angazhimit evropian të Istogut. U luajt në Banjë.
Arlinda Dinarica i shënoi 11 gola për Istogun, ndërsa dhjetë i kishte Dajana Milaniq. Doresa Rugova kontribuoi me pesë gola.
Te Vëllaznimi, Elsa Dana i kishte pesë gola.
Istogu tani i ka 14 pikë nga tetë ndeshje. Vëllaznimi mbetet me tri pikë në pozitën e tretë.