![](https://www.epokaere.com/wp-content/uploads/2018/09/ramushi-me-policine-scaled.jpg)
Haradinaj: Me miratimin e Projektligjit për pagat, përfitojnë edhe policët
03 shtator 2018
| 20:18
Kryeministri i Kosovës, Ramush Haradinaj, ka thënë se me projektligjin e miratuar sot nga Qeveria, do të përfitojnë edhe pjesëtarët e Policisë së Kosovës.
Ai ka thënë se me këtë projektligj policët do të kenë rritje substanciale të pagës.
“Kosova ka ndërtuar një polici profesionale dhe me integritet, që është shtyllë e shtetit ligjor. Policia e Kosovës ndër vite e ka dëshmuar përkushtimin e saj për t’u garantuar qytetarëve siguri. Me Projektligjin për Pagat në Sektorin Publik, që sot mori miratimin e Qeverisë, më në fund, përfitojnë rritje substanciale të pagës policët e Kosovës. Një pagë e dinjitetshme për polici kredibile, në shërbim të zbatimit të ligjit!”, ka shkruar Haradinaj në profilin e vet në “Facebook”.