“Kurrë mos u kthefshin!”, Peci “mallkon” opozitën

07 dhjetor 2023 | 08:52

Ministri i Bujqësisë, Faton Peci, ka pasur përplasje me analistin Imer Mushkolaj në lidhje me punësimet në dikasterin që ai drejton dhe qeverisjen e kaluar.

Peci ka thënë se qeveria paraprake u kishte mbetur borxh fermerëve derisa, sipas tij, mjetet që ua kanë kompensuar vitin e ardhshëm, i ka konsideruar sukses dhe rritje të subvencioneve për bujqësi.

“Mjetet bujqve do t’u dalin brenda këtij viti. Nuk do të bëjmë si qeveria paraprake që ua ka paguar vetëm gjysmën e mjeteve”, ka thënë Peci në studion e “Debat Plus” .

E Mushkolaj këtu e ka ndërprerë ministrin.

“Mos bëni krahasime, o Faton! Ju keni program tjetër. Ne i kemi larguar nga pushteti ata. Ju tash folni për vete”, ka thënë Mushkolaj.

“Po mirë ua kemi bërë shumë që i kemi largu. Kurrë më mos u kthefshin!”, ka deklaruar Peci.

Më tej Mushkolaj ka thënë se kjo qeveri bujqësisë nuk i ka kushtuar më shumë se një faqe në program.

“E rëndësishme është që çështje u trajtua”, i është kundërpërgjigjur Peci.

Edhe emri i Venera Qerkinit ka sjellë përplasje mes Pecil e Mushkolajt, pasi e njëjta ka lidhje familjare me presidenten Osmani.

“Venera Qerkini ka ardhur si huazim nga Ministria e Pushtetit Lokal në një pozitë ekuivalente. Ka qenë huazim për gjashtë muaj dhe më pas e kemi shpallur konkursin dhe unë e kam inkurajuar për të aplikuar. Jam shumë krenar për këtë gjë pasi është juriste shumë e zoja”, ka theksuarPeci.

“Venera Çerkini, është vajza e tezes së Presidentes Vjosa Osmani, apo?”, i është kundërpërgjigjur Mushkolaj.

“Presidentja i ka me dhjetëra vajza të tezeve. Venera kur e ka filluar karrierën nuk e ka filluar si familjare e Presidentes Osmani.  E pakuptimtë pse e sulmoni prej një viti personin në fjalë”, i është përgjigjur Peci.

Lajme të sponsorizuara

Të fundit
Mbrëmë në shtëpinë e “Big Brother VIP Kosova 2” u…