Gazetari i njohur Fahriu Musliu i cili pothuajse gjithë karrierën si gazetar e ka bërë në Beograd, ka njoftuar përmes llogarisë së vet në “Facebook”, që për një vit ka publikuar 5 libra. Musliu ka bërë të ditur se vitin 2023 e sheh si vitin më të suksesshëm dhë të begatë në karrierën e tij 55 vjeçare në karrierën profesionale publicistike.

“Ishte ky viti më i suksesshëm dhe më i begatshëm profesional (publicistikë) në karrierën time 55 vjeçare në gazetari”, ka shkruar Musliu.

Njoftimi i plotë i tij:

PESË LIBRA PËR NJË VIT

Të dashur miq dhe dashamir të librit,

po afrohet fundi i këtij viti dhe me Ju dua ta ndaj një gëzim  të veçantë.

Ishte ky viti më i suksesshëm dhe më i begatshëm  profesional (publicistikë) në karrierën time 55 vjeçare në gazetari.

Dy libra botimi i dytë i plotësuar: DITARI I GAZETARIT SHQIPTAR NË BEOGRAD (janar -qershor 1999) dhe PROCESET E KURDISURA KUNDËR SHQIPTARËVE (1999-2001);

dy libra të ri: “MË QUAJNË – BEKIM FEHMIU” dhe libri me intervista: “KOSOVA NYJË E (PA) ZGJIDHUR”, në dy vëllime.

Librat janë me vlerë të veçantë dokumentare dhe historike.

Ato mund ti gjeni në libraritë e qyteteve më të mëdha të Kosovës  por edhe të porositën me postë të shpejtë tek personi i marketingut tel 049644844 ose msgg tim.