![](https://www.epokaere.com/wp-content/uploads/2023/07/trump.jpg)
Gjykata e Michiganit refuzon përpjekjen për ta hequr Trumpin nga zgjedhjet
Gjykata Supreme e Michiganit ka refuzuar që të dëgjojë një apel nga votues që kishin kërkuar që ish-presidenti Donald Trump të diskualifikohej nga zgjedhjet paraprake presidenciale për shkak të rolit të tij në sulmin e vitit 2021 ndaj Capitol-it.
Ky vendim ia mundëson miliarderit amerikan që të mbetet në fletën e votimit, raporton agjencia “Reuters”.
Votuesit kishin kërkuar që Trumpi të diskualifikohej sipas një dispozite në Kushtetutën e ShBA-së, e cila ua ndalon mbajtjen e pozitave publike personave që janë përfshirë në “kryengritje ose rebelim”, nëse ata më parë janë betuar për besnikëri ndaj Shteteve të Bashkuara.
Vendimi i Gjykatës Supreme të Michiga-it është kontrast i vendimit të gjykatës më të lartë të Kolorados javën e kaluar për ta larguar Trumpin nga gara sipas dispozitës së njëjtë kushtetuese.