![](https://www.epokaere.com/wp-content/uploads/2023/12/IMG_8474.jpeg)
Dita e veteranit, Mehaj: Komandanti heroik Adem Jashari, përherë do të mbetet udhëheqësi ynë ushtarak
Ish-ministri i Mbrojtjes, Armend Mehaj, me rastin e ditës së veteranëve të Ushtrisë Çlirimtare të Kosovës, ka thënë se kjo është datë me peshë në historinë tonë më të re.
Mehaj, mes tjerash, uroi gjithë veteranët, duke përmendur dëshmorët e kombit dhe invalidët e luftës.
“Sot me rastin e shënimit të 30 dhjetorit – ditës së veteranëve të Ushtrisë Çlirimtare të Kosovës, uroj nga zemra gjithë veteranët, duke mos harruar dëshmorët e kombit dhe invalidet e luftës të cilët dha gjithçka për Kosovën tonë”, shkroi Mehaj në llogarinë e tij në Facebook.
Ai theksoi se dronët e shumë pajisje të tjera të blera e dhuruar nga vendet mike, janë shpagim i sakrificës sublime të popullit shqiptar të Kosovës, familjes Jashari e shumë e shumë djemve dhe vajzave gjithandej Kosovës të cilët shërbyen me dinjitet në UÇK-ë, e me pas në TMK-ë e tash në FSK-ë.
“Sot, në këtë ditë nuk dua të harroj edhe gjithë ata pjesëtar të Policisë së Kosovës, të cilët me nder i kanë shërbyer dhe po vazhdojnë të i shërbejnë atdheut, e çdo ditë e me shumë po na bëjnë krenar”.
“Komandanti ynë heroik dhe historik Adem Jashari, përherë do të mbetet udhëheqësi ynë ushtarak dhe shembulli me i mirë se si duhet shërbyer atdheut. Nga zemra uroj gjithë veteranët e Kosovës për ditën e tyre meritore”.