Presidentja e vendit, Vjosa Osmani ka ngushëlluar Japoninë për jetët e humbura si pasojë e tërmetit shkatërrues që ndodhi dje.

Ajo ka thënë se populli i Kosovës solidarizohet me popullin japonez në këtë kohë të vështirë.

“Zemrat tona shkojnë për të gjitha komunitetet e prekura nga tërmeti shkatërrues në Japoni. I shprehim ngushëllimet tona të përzemërta familjeve që humbën të dashurit e tyre. Populli i Kosovës solidarizohet me popullin japonez në këtë kohë të vështirë”, ka shkruar presidentja Osmani në rrjetet sociale.