![](https://www.epokaere.com/wp-content/uploads/2024/01/44c5f1ba-a2e9-4dae-9c87-85da0a3841c0.jpg)
Përplasja e avionëve në Tokyo, konfirmohen 5 viktima në bordin e avionit të rojës bregdetare
02 janar 2024
| 15:50
Konfirmohen pesë viktima nga përplasja e avionëve në aeroportin Haneda të Tokyos.
Ngjarja ndodhi këtë të martë, kur një avion i “Japan Airlines” me rreth 400 pasagjerë, u përplas me një avion të rojës bregdetare japonezë me gjashtë pjesëtarë në bord, që ndodhej në pistë për t’u nisur në zonat e prekura në tërmeti, për të dërguar ndihma.
Fillimisht u raportua për pesë persona të zhdukur nga avioni i rojës bregdetare, ndërsa gjatë kërkimeve autoritetet konfirmuan pesë viktima. Ndërsa një person, që dyshohet se është kapiteni arriti të shpëtonte, por theksohet se është në gjendje të rëndë si pasojë e plagëve që ka marrë.
Në avionin e pasagjerëve u arrit që të bëhej i mundur evakuimi i rreth 400 pasagjerëve, ndërsa avioni digjej nga flakët.