Futbollisti Eros Grezda, i cili deri vonë ishte pjesë e kombëtares shqiptare, ka gjetur një sfidë të re në karrierën e tij, duke u bërë pjesë e skuadrës kroate, Rudesh.

Prezantimi zyrtar është bërë të mërkurën, duke shënuar një kapitull të ri në karrierën e tij, pasi ka lënë Partizanin e Tiranës, ekipin ku ai nuk ka arritur të impresionojë me paraqitjet e tij.

Grezda, i njohur për aftësitë e tij si sulmues krahu, ka përvojë të pasur në kampionatin kroat.

Me 108 paraqitje për ekipet si Osijek, Lokomotiva, dhe Shibenik, ai ka lënë një ndikim të qëndrueshëm në skenën futbollistike të Kroacisë.

Megjithatë, ka të dhëna që tregojnë se karriera e tij ka pësuar një rënie, duke u bashkuar me Rudeshin, ekipin që aktualisht mbart barrën e fundit në kampionatin kroat, me vetëm katër pikë të fituara nga 19 ndeshje.

Sfida për të ndikuar në performancën e ekipit dhe rikthimi i tij në formën e mëparshme do të jetë një nga provat e vështira që Grezda do të përballët në këtë kapitull të ri të karrierës së tij futbollistike.