Sulmuesi i PSG-së, Kylian Mbappe, ka thënë se ai nuk ka vendosur ende për të ardhmen e tij.

Mbappe, i cili është i lidhur shumë me një kalim te Real Madridi, ka thënë se para se gjithash është shumë i motivuar për këtë vit.

“Siç thashë, ne kemi tituj për të vazhduar dhe ne kemi fituar tashmë një. Pas kësaj, jo, nuk e kam vendosur ende”.

“Ne ia dolëm të mbronim të gjitha palët dhe të ruanim qetësinë e klubit për sfidat përpara, gjë që mbetet gjëja më e rëndësishme. Kështu që do të themi se është dytësore”, ka thënë ai, shkruan “CNN”.

Mbappe i është bashkuar PSG-së në vitin 2017, fillimisht si huazim nga Monaco para një transferimi prej 180 milionë eurosh.

Ai ishte vendosur të largohej si një transferim i lirë në fund të sezonit 2021-22, por në fund nënshkroi një zgjatje të kontratës dyvjeçare, me opsionin e një viti tjetër.

Megjithatë, pasi Mbappe i ka thënë PSG-së se nuk do të pajtohej me 12 muajt shtesë të marrëveshjes, ai nuk është përzgjedhur për turneun e tyre parasezonal në Japoni gjatë verës.

Ai më pas ka refuzuar të takohej me përfaqësuesit e skuadrës së Ligës Pro Saudite Al-Hilal, të cilët bënë një ofertë rekord botëror prej 259 milionë euro për të.

Sulmuesi më vonë është rikthyer në stërvitjen e ekipit të parë pas asaj që PSG-ja ka thënë se ishin bisedime “shumë konstruktive dhe pozitive”.