![](https://www.epokaere.com/wp-content/uploads/2023/06/Haradinajaaa.jpg)
Haradinaj: AAK-ja e hapur për koalicion me partitë tjera, Kurti është arrogant
Kryetari i Aleancës për Ardhmërinë e Kosovës (AAK), Ramush Haradinaj, e ka quajtur qeverinë Kurti arrogante dhe se për këtë do t’i ndëshkojnë qytetarët në zgjedhjet e ardhshme.
Në një deklarim për medie, Haradinaj ka folur edhe për koalicionin me Nisma Socialdemokrate, teksa është shprehur i hapur edhe për koalicion me partitë tjera.
“Ne synojmë jemi të hapur për koalicion. Marrëveshja me Nismën është e koncentruar që të gjithë ata që dëshirojnë me u bashku në ketë koalicioni dhe mos mu ndi të ardhur, por me u ndi si në shtëpinë e vet. Nuk presim askënd, por ne punojmë, angazhohemi dhe jemi të hapur. Këto deklarimet e pushtetit janë thjesht arrogancae tyre. Arroganca e mashtrimit i’u ka bërë punë mashtrimi”, ka thënë Haradinaj.
Hipokrizinë e kësaj qeverie, Haradinaj e sheh edhe në shpenzueshmërinë e parasë publike dhe “xhipat e zi”. Ai ka thënë se gjatë vizitës në përvjetorin e 25-të në Reçak, udhëheqësit e shtetit kanë shkuar me mbi 20 xhipa.