Shefi i Zyrës së Bashkimit Evropian (BE) në Kosovë, Tomas Szunyog, ka qëndruar për vizitë në Komisionin Qendror të Zgjedhjeve, ku është pritur në takim nga kryetari i këtij institucioni, Kreshnik Radoniqi.

Szunyog ka njoftuar se në këtë takim është biseduar për çështjen e shkarkimit të kryetarëve të komunave në veri.

Ai e ka përgëzuar Radoniqin për përgjigjen e shpejt ndaj kërkesave të grupeve nismëtare për peticionet dhe ka treguar se është interesuar për hapat e radhës dhe për përgatitjet e brendshme të KQZ-së nëse kalohet pragu i 20 për qind.

“Diskutuam procesin e tërheqjes së kryebashkiakëve në komunat veriore me kryesuesin e KQZ-së. Ndërsa e përgëzova për përgjigjen e shpejtë ndaj kërkesave të Grupeve Nismëtare, u interesova për hapat e ardhshëm dhe përgatitjet e brendshme të KQZ-së për votën e tërheqjes nëse kalohet pragu i 20 për qind”, ka shkruar Szunyogu në platformën “X”.

Discussed the mayoral recall process in the northern municipalities with CEC's Chair. While commending him for the prompt response to the Initiator Groups' requests, I inquired about the next steps & CEC's internal preparations for the recall vote if the 20% threshold is passed. pic.twitter.com/A8ZJdtPgi9

— Ambassador Tomáš Szunyog (@EUAmbKS) January 23, 2024