![](https://www.epokaere.com/wp-content/uploads/2024/01/abbot.jpg)
Abbott: Britania mbështet përpjekjet e Kosovës për ta hetuar sulmin në Banjskë
26 janar 2024
| 14:33
Ambasadori në largim i Britanisë së Madhe, Nicholas Abbott është takuar të premten me ministrin e Punëve të Brendshme (MPB), Xhelal Sveçla.
Abbott ka njoftuar se me Sveçlën kanë biseduar për një sërë çështjesh të sigurisë si dhe ndikimin e sulmit në Banjskë.
“Mbretëria e Bashkuar mbështet përpjekjet e Kosovës për të hetuar sulmin dhe bën thirrje që autorët të sillen para drejtësisë”, ka shkruar Abbott në rrjetet sociale.
Në lidhje me agresionin në Banjskë, zëvendëskryeministri i vendit, Besnik Bislimi, ka thënë se Kosova i ka dërguar raport prej 48-faqesh Bashkimit Evropian.