![](https://www.epokaere.com/wp-content/uploads/2024/02/kurtii.jpg)
Ambasada gjermane vë në pah ‘vërejtjen’ e ministrit Pistorius ndaj Qeverisë së Kosovës
06 shkurt 2024
| 15:31
Ambasada e Gjermanisë në Prishtinë ka përmbledhur vizitën e ministrit gjerman të Mbrojtjes, Borius Pistorius, që ka bërë të hënën në Kosovë.
Në këtë përmbledhje, ambasada ka shkruar në “Facebook” se Gjermania mbetet e përkushtuar si partnere e Kosovës “në integritetin territorial” por në të njëjtë kohë ka adresuar edhe një vërejtje ndaj qeverisë Kurti.
“Gjermania mbetet partneri i palëkundur dhe mik i ngushtë i Kosovës, duke riafirmuar mbështetjen e saj për integrimin evropian të Kosovës. Megjithatë, ministri kërkon kujdes nga Qeveria e Kosovës në veprimet e njëanshme, duke theksuar rëndësinë e adresimit të çështjeve përmes dialogut të udhëhequr nga BE-ja”, ka theksuar Ambasada e Gjermanisë në Kosovë.