Nënkryetarja e PDK-së, Vlora Çitaku, ka thënë se Rusia ka filluar në mënyrë agresive ta shtyjë trillimin se Ukraina po bënë trafikim të organeve në zonat e luftës.

Sipas saj, ambasadat e Rusisë nëpër botë po shpërndajnë “informata” të tilla nëpër platformat e tyre zyrtare në rrjete sociale.

Ish-ambasadorja e Kosovës në ShBA, Çitaku, ka thënë se ky është skenari i njëjtë si me Ushtrinë Çlirimtare të Kosovës.

“Institucionet tona, presidentja, kryeministri, ministrja e Punëve të Jashtme duhet të këndellen urgjentisht. Mosdurimi ndaj Hashim Thaçit, Kadri Veselit, Jakup Krasniqit e Rexhep Selimit nuk duhet tua mundë dashurinë për Kosovën. Në Hagë sot, historia dhe lufta jonë për liri janë braktisur nga shteti”, ka shkruar Çitaku në “Facebook”.