Parlamenti Evropian do të votojë sot rekomandimin për liberalizimin e vizave për Kosovën.

Pas këtij votimi, do të konfirmohet mandati për fillimin e bisedimeve me vendet anëtare të BE-së, në mënyrë që Kosovës t’i hiqen vizat.

Bisedimet në emër të Parlamentit Evropian do t’i udhëheqë, Tanja Fajon, raportuese për vizat e Parlamentit.

Kjo e fundit në një postim në llogarinë e saj në “Twitter” shpreson se Parlamenti Evropian do të votojë në favor të heqjes së vizave për qytetarët e Kosovës.

“Parlamenti Evropian pritet që të votojë në favor të heqjes së vizave për qytetarët e Kosovës”, ka shkruar Fajon.

/Epoka e re/