Shefi i Misionit në Konsullatën e Përgjithshme të Republikës së Kosovës në Nju-Jork, Blerim Reka, ka përkujtuar “Epopenë e UÇK”-së në 26-vjetorin e saj, në të cilin ka rënë heroikisht komandanti legjendar Adem Jashari së bashku me familje.

Reka ka thënë se në Prekaz ka lindur liria dhe se flijimi i familjes Jashari i ka dhënë jetë shtetit të Kosovës.

“Në Prekaz lindi liria, aty ku flijimi i dha jetë shtetit të Kosovës. Përjetësisht faleminderit, përjetësisht lavdi!”, ka shkruar Reka në “Facebook”.