Ambasada e ShBA-së në Kosovë: Vazhdojmë të kërkojmë që të drejtat e grave dhe vajzave të respektohen
08 mars 2024
| 16:07
Ambasada e Shteteve të Bashkuara të Amerikës (ShBA) ka uruar gratë dhe vajzat për festën e 8 marsit.=
Kjo ambasadë ka rikujtuar se Kosova duhet të vazhdojë punën e saj për fuqizimin e grave dhe vajzave në vend.
“Sot, ne festojmë vendosmërinë, lidershipin dhe kontributet dhe arritjet e jashtëzakonshme drejt shoqërive më paqësore dhe demokratike të grave dhe vajzave në Kosovë dhe në mbarë botën. Ne qëndrojmë të përkushtuar për të fuqizuar dhe përforcuar zërat e grave dhe vajzave në të gjithë diversitetin e tyre. Ne vazhdojmë të kërkojmë që të drejtat e tyre njerëzore të respektohen”, ka njoftuar Ambasada e ShBA-së.