Analisti politik Ilir Deda ka kritikuar partitë opozitare të cilat, sipas tij, nuk janë treguar të sinqerta para votuesve të vet pas rezultateve të dobëta në zgjedhjet e fundit.

Ai tha se ato parti kanë përgjegjësi për çfarë ka ndodhur në Kosovë vitet e fundit.

Në Rubikon te Klan Kosova ai tha se në këtë mënyrë partitë opozitare vetëm po e legjitimojnë përkrahjen masive që e ka LV-ja “e cila nuk ka rezultat qeverisës”.

“Mund të thoni se ka këtu apo aty, por ky nuk është rezultat qeverisës pas tre vjetësh. Përpos frymës shoviniste që e ka kapluar krejt Kosovën. Kjo është rezultat i katër vjetëve të fundit. Ne kemi fillu të dukemi si kopje e shovinizmit më të ulët serb. Kështu po duket Kosova sot. Nuk po e shoh në politikën e Kosovës që dikush po përballet me këto punë. Krejt po duan të fitojnë në sentimentin më të ulët që kopje e dikujt tjetër dhe nuk është as e jotja”, deklaroi Deda.