Qeveria e Kosovës të martën do të mbajë mbledhje. Në rend dite janë një sërë pikash për shqyrtim e miratim.

Mbledhja do të mbahet nga ora 14:30.

Në mesin e tyre është edhe shqyrtimi i ratifikimit të marrëveshjes kornizë ushtarake ndërmjet Kosovës dhe Turqisë.

Ekzekutivi do të shqyrtojë Projektligjin për Provimin e Maturës Shtetërore, kërkesën e Ministrisë së Administrimit dhe Pushtetit Lokal për ndarjen e mjeteve për subvencionimin e ndërtimit të shtëpive për pjesëtarët e komunitetit pakicë në katër komunat veriore, e disa pika të tjera.