Kryeministri dhe kryetari i Lëvizjes Vetëvendosje, Albin Kurti, në fjalimin e tij në kuadër të Këshillit të Përgjithshëm të kësaj partie.

Kurti ka folur  edhe rreth vendimit për dhënien e 25 hektarëve për Manastirin e Deçanit.

Ai ka thënë se ky “vendim ishte i vështirë, por i paevitueshëm”.

“Më 13 mars morëm një vendim shumë të vështirë e megjithatë vazhdojmë të besojmë të paevitueshëm. Në kuadër të anëtarësimit të Kosovës në Këshillin e Evropës, procesi ishte bllokuar nga akterët për shkak se Kosovës i ishin vënë tri parakushte, parasë procesi të përparonte më tutje. Si rezultat i lobimit të institucioneve tona, për çka e falënderojë MPJD-në, u arrit që nga këto 3 kushte, avancimi të sigurohet me vetëm një parakusht, zbatimin e vendimit të Gjykatës Kushtetuese në lidhje me Manastirin e Deçanit”.

“Në anën tjetër, pas shqyrtimeve të gjata juridike u siguruam që ky rast nuk përbën precedent dhe nuk kishte mjet legal e juridik për ta kontestuar, atë. Sot gjendemi në situatë më të favorshme në këtë proces, raporti i Bakoyannis njeh plotësimin e të gjitha kushteve, dhe qartë thotë se të tjera zotime duhet të përmbushen pas anëtarësimit”,  ka thënë Kurti.