![](https://www.epokaere.com/wp-content/uploads/2024/04/gruaja-merret-peng-600x360-1.jpg)
Publikohet videoja e rrëmbimit të një gruaje në ShBA në prag të shtëpisë
Videoja e regjistruar nga një kamerë e ziles së derës në Oregon të SHBA, në të cilën shihet një grua duke u marrë me forcë nga një burrë i panjohur është dramatike dhe ka bërë xhiron e rrjetet.
Ngjarja ndodhi të dielën e kaluar në qytetin e Hillsborough. Në pamje shfaqej një grua që bërtiste me të madhe, ndërsa apelonte që t’i hapnin derën. “Ju lutem më ndihmoni”, dëgjohej gruaja, ndërsa u mor në krah disa sekonda më vonë nga rrëmbyesi i saj. Ky i fundit e mori me forcë dhe e futi në një furgon të bardhë.
Gruaja më në fund u gjet e gjallë dhe e sigurt në orët e para të së martës, ndërsa burri, identiteti i të cilit mbetet i panjohur, u arrestua dhe u akuzua për rrëmbim. “I dyshuari dhe viktima njiheshin me njëri-tjetrin dhe ky nuk ishte një sulm i rastësishëm. Nuk ka asnjë rrezik për publikun”, sqarohet në njoftimin e policisë pa dhënë detaje të tjera.
Attempted kidnapping in Oregon caught on doorbell camera shows woman get carried away (youtube.com)