Vulini: Presidenti është në luftë të madhe për ta ndaluar rezolutën për Srebrenicë
Rezoluta për Srebrenicën dhe gjenocidin e supozuar nuk është gjë tjetër veçse një rezolutë për popullin serb. Ajo që Serbia dhe Republika Srpska mund të bëjnë në Këshillin e Sigurimit të Kombeve të Bashkuara është që populli serb të bëjë të ditur të vërtetën për veten e tyre, tha për RTRS megafoni i Vuçiqit, Aleksandar Vulin, zëvendëskryeministër i Serbisë.
“Nuk mund të kërkojmë apo të bëjmë më shumë se kaq. Rezoluta për Srebrenicën nuk ka asnjë ide për pajtimin tonë”, tha Vulin.
Duke komentuar seancën e Këshillit të Sigurimit të OKB-së ku duhet të miratohet kjo rezolutë, Vulin tha se nuk mund të vendoset as për rendin e ditës dhe as për datën.
“Po, është një luftë e madhe. Aleksandar Vuçiq investoi shumë mund, kohë, energji dhe mund së bashku me kolegët e tij, që e vërteta të arrijë tek të gjithë”, tha Vulin.
“Marrëveshja e Dejtonit bëri të mundur ardhjen e paqes në Bosnje dhe Hercegovinë, që do të thotë se nuk ka konflikte luftarake në territorin e Bosnje-Hercegovinës. Dhe pajtimi. Çfarë pajtimi? A duhet të pajtohemi me faktin se Naser Oriqi është një njeri i lirë? Se Atif Dudakoviq është hero? Nuk mund të pajtohemi për luftën civile në Bosnje dhe Hercegovinë, kjo nuk është e mundur. Si mund të funksionojnë bashkë popujt e Bosnjës dhe Hercegovinës kur populli serb vazhdimisht pritet të thotë se është gjenocid. A është kjo rezoluta? A është ky pajtim? Epo, nuk mund të pajtohemi për këtë”, tha megafoni i Vuçiqit, Vulin.
