Deputeti i PDK-së, Elmi Reçica, i cili po qëndron në Finlandë përmes një postimi në facebook ka njoftuar se ka takuar kryetarin e Porvoo, Fredrick Von Schoultz, drejtoreshën e Kultures, Minna Särela dhe drejtoreshën per integrim, Jenny Broberg.

Reçica i cili ishte i shoqëruar nga afaristi që jeton dhe vepron në Finlandë, Bashkim Thaqi, ka bërë të ditur se i ka falënderuar nga zemra kryetarin e qytetit të Pavarësisë dhe drejtuesit e kësaj komune për mbështetjen e Kosovës dhe të mërgimtarëve tanë.

“I falënderova nga zemra për mbështetjen e Kosovës dhe të mërgimtarëve tanë dhe bashkë biseduam për projektet e përbashkëta të qytetit me ekspertët tanë, bashkëpunimin e bizneseve, shërbimet kulturore, si dhe integrimin dhe mundësitë e bashkëpunimit të mëtutjeshëm në të mirë të shqiptarëve që jetojnë në këtë vend dhe të qytetit të Porvos.”, ka shkruar ndër tjera Reçica në llogarinë e vet.

Kujtojmë që në këtë qytet të Porvos nga delegatët e asaj kohe është shpallë Pavarësia e Finlandës, e ku është qyteti më i vizituari në Finlandë.

Njoftimi i plotë i tij:

Sot, gjatë vizitës sime në Finlandë, pata kënaqësinë të takoj kryetarin e Porvoo, Fredrick Von Schoultz, drejtoreshën e Kultures, Minna Särela dhe drejtoreshën per integrim, Jenny Broberg.

I falënderova nga zemra për mbështetjen e Kosovës dhe të mërgimtarëve tanë dhe bashkë biseduam për projektet e përbashkëta të qytetit me ekspertët tanë, bashkëpunimin e bizneseve, shërbimet kulturore, si dhe integrimin dhe mundësitë e bashkëpunimit të mëtutjeshëm në të mirë të shqiptarëve që jetojnë në këtë vend dhe të qytetit të Porvos.