Komisioni Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të arsimit fillor dhe arsimit të mesëm të ulët për vitin shkollor 2023/2024, ka vendosur që në proces të përfshihen të gjitha Drejtoritë Komunale të Arsimit (DKA), e jo vetëm shtatë, siç  ishte përmendur më herët.

Po ashtu, kryetari i këtij komisioni, Shemsedin Dreshaj, ka bërë me dije se është hapur thirrja për ekspertë në këtë fushë.

“Në uebfaqe ka dal kërkesa për ekspertë dhe është e mundur të kryhet brenda 7-8 ditëve. Unë propozoj që së paku dokumentacioni të jetë tri ditë para mbledhjes së radhës për shqyrtimin e dokumentacionit”, ka thënë Dreshaj.