Ministrja e Integrimit Evropian, Dhurata Hoxha, në takimin e Komitetit Punues për Integrime Evropiane, ka kërkuar të hënën më shumë angazhim nga të gjitha institucionet për ta përmbyllur me sukses implementimin e prioriteteve të mbetura të Agjendës Evropiane të Reformave si dhe masave të parapara me MSA-në.

“Plani Kombëtar për Zbatimin e MSA-së është i dobët. Nuk është realizuar. Të gjeturat e raportit janë shqetësuese. Jemi zotuar që këtë vit të arrijmë një nivel zbatimi të programit të MSA-së të paktën 60 për qind”, ka thënë Hoxha, shkruan “Epoka e re”.