Lideri i Aleancës për Ardhmërinë e Kosovës (AAK), Ramush Haradinaj, ka shkruar për vdekjen e emblemës së letërsisë shqipe, Ismail Kadaresë.

Haradinaj ka thënë se Kadareja ishte shqiptari më i famshëm në glob.

Po ashtu, ai ka thënë Kadareja “ishte njeriu që e lartësoi kombin, që e lartësoi Shqipërinë, që lartësoi Kosovën dhe që letërsinë e një kombi të vogël e futi në analet e letërsisë së përbotshme”.

“Ne sot e kemi humbur gjeneralin e letrave shqipe, e kemi humbur ambasadorin e krijimtarisë shqiptare në Botë, e kemi humbur Ismail Kadarenë, emri i të cilit i ngërthen në vete krejt vlerat më të larta që mund t’i ketë njeriu! Ky emër do t’i jetojë epokat! Lamtumirë mjeshtër!”, shkruan Haradinaj në “Facebook”.