Ish-trajneri Fabio Capello, ka kritikuar selektorin e kombëtares italiane, Luciano Spalletti, pas eliminimit të Italisë nga Zvicra në 1/8 e finales së “Euro 2024”.

“Nga ajo që pashë, mendoj që krijon huti, posaçërisht mes lojtarëve”, ka thënë Capello për “Gazzetta dello Sport”.

Ai ka thënë Granit Xhaka bënte çfarë donte kundër Italisë.

“Jorginho dhe (Nicolo) Fagioli ishin organizatorët e lojës, por asnjëri nuk ishte (Stanislav) Lobotka. Ata kanë sete të ndryshme të shkathtësive. (Granit) Xhaka bënte çfarë donte”

“Por, do ta përdorja një tjetër fjalë për Spallettin – arrogancë”, ka thënë Capello.