Ministria gjermane e Mjedisit ka zgjedhur të pranojë propozimet e BE-së në lidhje me nivelin e pranueshëm të prodhimit të dioksidit të karbonit (CO2) nga automjetet e reja, deklaroi sot në Berlin një zëdhënës i Ministrisë, duke i dhënë fund debatit brenda qeverisë gjermane.

Ministrja e Mjedisit, Svenja Schulze më përpara kishte kërkuar që pragu maksimal të ulej, por tani ka pranuar propozimet e dala nga negociatat në Bashkimin Europian.

Komisioni Europian kërkon që makinat e reja të prodhojnë 30% më pak gaz me efekt serrë mes viteve 2021 dhe 2030.