Kryeministri i Kosovës, Albin Kurti ka reaguar pasi Tajlanda ka hequr nga sot vizat për qytetarët e Kosovës.

I pari i ekzekutivit Albin Kurti ka shkruar se pasaporta e Republikës sonë po vazhdon të fuqizohet përherë e më shumë.

“Pasaporta e Republikës sonë po vazhdon të fuqizohet përherë e më shumë. Tajlanda i shtohet listës së gjatë të shteteve në të cilat qytetarët tanë nga ky vit mund të udhëtojnë pa viza. Zhvillim e progres brenda vendit. Dinjitet e afirmim jashtë vendit”, ka shkruar Albin Kurti.

Qytetarët e Kosovës nga 1 janari i këtij viti kanë filluar të udhëtojnë pa viza në shtetet e zonës Shengen të Bashkimit Evropian.

Më 5 janar ishte konfirmuar se edhe Spanjën për kundër që nuk e njeh Pavarësinë e Kosovës, megjithatë ka njohur pasaportën.

Pas Spanjës, vizat për qytetarët e Kosovës i kishin hequr edhe Emiratet e Bashkuara Arabe, si dhe Izraeli.