Ministri i Financave, Hekuran Murati ka bërë të ditur se shtesat për fëmijë deri në moshën 16-vjeçare, janë rritur.

Deri më tani, shtesat kanë qenë: 20 euro për fëmijët 0-2 vjeç dhe 10 euro për fëmijët 3-16 vjeç.

Ndërsa me skemën e re, nuk ka më dallim 0-2 apo 3-16, por dallimi bëhet tek numri i fëmijëve që familja ka.

“Për familjen që ka vetëm 1 fëmijë të moshës 0-16 vjeç, familja merr shtesa prej 20 euro/muaj apo 240 euro/vit. Për familjen që ka 2 fëmijë të moshës 0-16 vjeç, familja merr shtesa 40 euro/muaj (2×20) apo 480 euro/vit. Për familjen që ka 3 fëmijë të moshës 0-16 vjeç, familja merr shtesa 90 euro/muaj apo 1,080 vit. Pra kapërcimi i madh bëhet tek fëmija i tretë, i cili familjes ia shton 50 euro/muaj apo 600 euro/vit më shumë, sesa shuma e shtesave që familja merr kur ka 2 fëmijë. Sepse nga shtesat 40 euro/muaj (480 euro/vit) për dy fëmijë, kalohet në 90 euro/muaj (1,080 euro/vit) për tre fëmijë. Edhe fëmijët tjerë pas të tretit, shtesat do t’i kenë nga 30 euro secili”, ka treguar Murati.