Në Rahovë të komunës së Mitrovicës, ka filluar rrebesh i fuqishëm i shiut.

Në videon e publikuar nga Meteo Kosova, shihen pamje nga momenti i reshjeve të shiut.

Ndërkohë Instituti Hidrometeorologjik i Kosovës ka njoftuar për ndryshim të motit, duke paralajmëruar shi dhe shkarkesa rrufesh nga sonte, dhe të premten.

Gjatë ditës së enjte pritet të ketë mot me diell, por vranësirat do të intensifikohen dhe do të krijohen kushte për shi e rrufe, teksa në disa zona ekziston rreziku edhe për breshër.

Edhe të premten po ashtu pritet mot me diell dhe pjesërisht i vranët, ndërsa vranësirat gjatë ditës parashikohet të dendësohen dhe të krijojnë mundësi për riga shiu dhe shkarkesa rrufesh.