Milani po afrohet gjithnjë e më shumë drejt një marrëveshjeje me AS Monacon për Youssouf Fofana, duke rritur ofertën e tyre në 12 milionë euro plus bonuse shtesë, ndërsa çmimi i kërkuar ka rënë në 18 milionë euro.

Sipas “Sky Sport Italia” propozimi më i fundit i paraqitur për ekipin e Ligue 1 vlen 12 milionë euro plus shtesa.

Kjo ende nuk do të jetë e mjaftueshme, por është një hap më afër çmimit të kërkuar, të cilin Monaco tani thuhet se e ka ulur në 18 milionë euro.

Ka besim se negociatat mund të vazhdojnë për të ngushtuar dallimet dhe për të arritur një marrëveshje para fundit të verës.

Koha është në anën e Rossonerëve, sepse kontrata e tij përfundon në qershor 2025 dhe Monaco e di që nuk mund të rrezikojnë ta humbasin atë si lojtar të lirë vitin e ardhshëm.

Çmimi i kërkuar prej 20 milionë eurosh është tashmë një pazar për ish-yllin e Strasbourgut, i cili u transferua te Monaco në janar 2020 për 15 milionë euro.

Fofana ka 21 ndeshje me ekipin e seniorëve të Francës, duke shënuar tre gola, dhe ka bërë 173 paraqitje në Ligue 1.