Donald Trump, ish-presidenti i ShBA-së, ka folur në lidhje me sulmin me armë ndaj tij, ku mbeti i lënduar në vesh.

Duke folur para përkrahësve të tij, kandidati republikan për zgjedhjet presidenciale të këtij nëntori, ka përshkruar momentin e sulmit.

Në fakt, Trumpi ka treguar në detaje momentin e sulmit, kur ai shmangu goditjen nga një plumb vrasës në një tubim fushate gjashtë ditë më parë.

Shumë nga turma në kongresin e republikanëve ishin në lot, ndërsa Trump i ka thënë arenës se gjaku derdhej kudo.

“Në një farë mënyre u ndjeva shumë i sigurt, sepse kisha Zotin në anën time”, ka thënë ai, raporton “BBC”.