Kryeministri i Kosovës, Albin Kurti, bashkë me gruan, Rita Augestad Knudsen, kanë udhëtuar drejt Parisit për t’i mbështetur sportistët e Kosovës në Lojëra Olimpike 2024.

Njoftimin për pjesëmarrje atje e ka bërë vetë kreu i qeverisë përmes disa fotografive të publikuara në rrjetin social Instagram.

“Në Paris, për të marrë pjesë në darkën e shtruar nga Presidenti i Komitetit Ndërkombëtar, dhe për të mbështetur sportistët tanë që na përfaqësojnë krenarisht në Lojërat Olimpike 2024”, ka shkruar kryeministri.

Pos tij, në Paris gjendet edhe presidentja e vendit, Vjosa Osmani me bashkëshortin e saj, Prindon Sadriu.