Vajza e liderit të Koresë së Veriut, Kim Jong Un, po trajnohej për t’u bërë udhëheqësja e ardhshme, njoftoi agjencia e lajmeve Yonhap të hënën, duke cituar agjencinë e spiunazhit të Koresë së Jugut.

Media shtetërore e Koresë së Veriut ka raportuar për aktivitetet publike të vajzës së Kim, Ju Ae, por jo për të ardhmen e saj politike.

Vajza e vogël e Kim Jong-un shihet si trashëgimtarja e babait të saj, ka thënë agjencia e spiunazhit të Koresë së Jugut, pas spekulimeve se sundimtari i Koresë së Veriut po e përgatit atë për t’u bërë anëtarja e katërt e dinastisë, e cila drejton vendin, që nga themelimi i saj shtatë dekada më parë.

Ka pasur spekulime intensive ndërkombëtare për Kim Ju-ae, e cila thuhet se është rreth 10 vjeç, që kur ajo bëri paraqitjen e saj të parë publike në nëntor 2022, kur pa një testim rakete me rreze të gjatë veprimi me babanë e saj.

Vlerësimi nga Shërbimi Kombëtar i Inteligjencës erdhi menjëherë përpara se banorët e dy ishujve të Koresë së Jugut pranë kufirit detar të tensionuar të vendeve të urdhëroheshin të kërkonin strehim pasi Koreja e Veriut qëlloi me artileri në det të premten.