Ministria e Financave, Punës dhe Transfereve ka njoftuar se më 15 gusht 2024 do të mbahet ankandi i dhjetë për vitin 2024.

Në këtë ankand, sipas kësaj ministre do të emetohen obligacione me maturitet 3-vjeçar në shumën prej 10 milionë euro.

“Investimi në obligacione është investim i sigurt, i garantuar me Ligjin për borxhin shtetëror dhe garancitë shtetërore, ku interesi i përcaktuar nga tregu ju garantohet për të gjithë kohëzgjatjen (3 vjet) dhe është tërësisht i liruar nga tatimi”, ka njoftuar Ministria e Financave, Punës dhe Transfereve.

Për detaje rreth pjesëmarrjes në ankande për blerjen e letrave me vlerë, ministria ka ftuar të interesuarit që ta kontaktojnë ndonjërën nga bankat komerciale që operojnë në Republikën e Kosovës.