Ministri i Administrimit të Pushtetit Lokal, Elbert Krasniqi, ka bërë me dije se është nënshkruar marrëveshja për ndërtimin e mbi 200 shtëpive në katër komunat veriore të Kosovës.

Kjo, sipas Krasniqit është bërë në bashkëpunim me kryetarin e shoqatës “Jetimat e Ballkanit”, Halil Kastratin.

“Ministria e Administrimit të Pushtetit Lokal dhe shoqata ‘Jetimat e Ballkanit’, në frymën e bashkëpunimit dhe sigurimit të banimit të qëndrueshëm, për banorët e komunave veriore do të ndërtojnë mbi 200 shtëpi duke ju dhënë të drejtë familjeve të realizojnë ëndrrën e tyre për të banuar dhe jetuar në tokat e tyre. Mbi 100 shtëpi do të ndërtohen me financim nga Ministria e Administrimit të Pushtetit Lokal dhe mbi 100 nga shoqata ‘Jetimat e Ballkanit’, si fillim për një jetë e re për këto familje”, ka shkruar Krasniqi në “Facebook”.