Drejtori i Institutit të Kosovës për Drejtësi (IKD), ka kritikuar qeverinë Kurti për mungesë të luftimit të korrupsionit.

Ai ka thënë se Kosova nuk ka strategji për luftimin e korrupsionit që nga viti 2019 dhe kësisoj, sipas tij qeveria aktuale nuk ka shprehur vullnet për krijimin e një strategjie të tillë.

“Kosova s’ka strategji për luftimin e korrupsionit nga viti 2019. Strategjia për luftimin e korrupsionit miratohet në qeveri. Kaq është vullneti i qeverisë në luftën kundër korrupsionit”, ka shkruar Miftaraj në “Facebook”.