![](https://www.epokaere.com/wp-content/uploads/2024/08/Aleksander-Ceferin-Agim-Ademi.jpg)
Ceferin i kërkon Ademit që UEFA të jetë e informuar për çdo ndryshim në futbollin kosovar
Kryetari i Federatës së Futbollit të Kosovës, Agim Ademi, po qëndron në Varshavë të Polonisë, ku sonte do të zhvillohet finalja e Superkupës së Evropës, në mes të Real Madridit dhe Atalantas.
Ai u takua me kryetarin e UEFA-s, Aleksandar Ceferin, ku bisedua rreth zhvillimeve në futbollin kosovar.
Ademi e njoftoi kreun e futbollit evropian, me ndryshimet ligjore që janë bërë.
Ndërkaq Ceferin kërkoi nga presidenti i FFK-së, që ta informoj atë për çdo ndryshim që bëhet në futbollin e Kosovës.
“Gjithashtu, presidenti Çeferin bëri të ditur se në momentin e ardhjes së ekipit të administratës së UEFA-s për organizimin e mbledhjes së Komitetit HatTrick, do të dërgohen edhe zyrtarë të cilët do të shqyrtojnë këto zhvillime, por edhe projektet e reja në futbollin kosovar”, tha Ademi.
“Presidentit Çeferin i shpreha mirënjohen dhe falënderimet e përzemërta për mbështetjen e madhe që i jep futbollit të Kosovës, me besim të plotë se partneriteti ynë do të vazhdojë të japë frytet e duhura”, deklaroi numri një i Federatës së Futbollit të Kosovës, Agim Ademi.