![](https://www.epokaere.com/wp-content/uploads/2024/08/mbappe.jpg)
Real Madridi fiton Superkupën e Evropës
14 gusht 2024
| 22:56
Real Madrid ka fituar Superkupën e Evropës, pasi ka mundur Atalantën, në ndeshjen e zhvilluar në stadiumin e Varshavës.
Madrilenët triumfuan me rezultatin e pastër 2-0 kundër bergamaskëve. Pjesa e parë u mbyll në barazim, teksa dy golat e sfidës u shënuan në 45 minutat e dyta.
Të parin, e realizoi Federico Valverde në minutën e 59-të. Vetëm 9 minuta më pas, rrjetën e tundi Kylian Mbappe, i cili dyfishoi rezultatin.
Francezi 25-vjeçar shënoi në debutimin e tij me fanelën e “Los Blancos”. Kjo është hera e gjashtë që Real Madrid fiton trofeun e Superkupës së Evropës.