“Zonja e Vjetër” e fitoi derbin e sotëm kundër Napolit, për të shënuar fitoren e shtatë radhazi në po aq ndeshje të zhvilluara, transmeton Koha.net.

3 me 1 ishte rezultati përfundimtar i takimit të sotëm.

Napoli e nisi më mirë takimin duke kaluar në epërsi në minutën e dhjetë përmes Mertensit që realizoi pas asistimit nga Callejoni.

Juve e përmbysi rezultatin përmes sulmuesit kroat Manxhukiq, që shënoi dy gola në vazhdim. Njëin prej tyre pas asistimit nga Ronaldo.

Në minutën e 58 Napoli mbeti me një lojtar më pak në fushë kur Rui u ndëshkua me kartonin e dytë të verdhë, për t’ia lehtësuar punën Juventusit në vazhdim të ndeshjes.

Në minutën e 76 Juventusi shënoi edhe njëherë përmes Bonuccit, i cili realizoi nga asistimit i Ronaldos.

Në krye të tabelës Juventusi ka 21 pikë, e Napoli në një pozitë më poshtë ka 15 pikë.