Ushtruesja e detyrës së ministres së Tregtisë dhe Industrisë, Arbëreshë Krasniqi, të shtunën  së bashku më zëvendësministrin Vesel Krasniqi kanë vizituar fabrikën e tullave në Prizren.

Ajo përmes një postimi në profilin e saj në “Facebook” ka thënë se kjo fabrikë i ndihmon shumë tregut të Kosovës.

Postimi i saj i plotë:

Së bashku me zëvendësministrin Vesel Krasniqi, vizituam fabrikën e tullave në Landovicë të Prizrenit.

Kënaqësi e veçantë të shoh nga afër punën profesionale të kësaj fabrike me një staf të përgatitur dhe teknologji bashkëkohore. Një fabrikë me kapacitet të lartë të prodhimit i ndihmon tregut kosovar dhe uroj që në të ardhmen të kemi sa më shumë fabrika të këtij niveli profesional!

Suksese!