![](https://www.epokaere.com/wp-content/uploads/2024/08/IMG_3053-600x360-1.webp)
Përmbyset autobusi me pelegrinë, dhjetëra viktima
21 gusht 2024
| 07:56
Të paktën 28 persona humbën jetën dhe shumë të tjerë mbetën të lënduar rëndë si pasojë e një aksidenti rrugor që u regjistrua mbrëmjen e së martës në Iran.
Sipas të dhënave paraprake, autobusi i mbushur me pelegrinë doli nga rruga dhe u përmbys në pjesën qendrore të provincës Yazd.
Shkaqet e aksidentit janë ende të paqarta, teksa mësohet se pelegrinët po udhëtonin për të marrë pjesë në një ceremoni fetare për nder të një shenjti që ka vdekur në shekullin e shtatë.