![](https://www.epokaere.com/wp-content/uploads/2024/01/ikshpk.png)
Tre të vdekur dhe mbi 600 raste me Covid-19 në Kosovë
Instituti Kombëtar i Shëndetësisë Publike të Kosovës (IKShPK), ka njoftuar se në dy javët e fundit janë raportuar 661 raste aktive me Covid-19 dhe tri raste të vdekjes.
IKShPK-ja ka thënë se vaksinimi është mënyra e vetme efikase e mbrojtjes kundrejt infektimit.
“Situata epidemiologjike në Kosovë në dy javët e fundit. Në dy javët e fundit (07.08.2024 – 20.08.2024) janë raportuar 661 raste pozitive dhe tre (3) raste të vdekjes me Covid-19. Nga 661 rastet e raportuara gjatë kësaj periudhe kohore, rezulton se grup-mosha më e prekur janë: 50-59 vjeç me 119 raste dhe grup-mosha 20-29 vjeç me 116 raste, me moshë mesatare prej 49.3 vjeç; Vaksinimi vazhdon të jetë masa mbrojtëse me efikase kundër Covid-19 dhe gripit, veçanërisht ndaj formave të rënda të sëmundjes. Mbrojtja përmes vaksinës e individëve në rrezik të lartë të rezultateve të rënda (si p.sh. të moshuarit) mbetet i rëndësishëm.”, ka njoftuar IKShPK-ja.