![](https://www.epokaere.com/wp-content/uploads/2024/08/nikaj.jpg)
Nikaj i PDK-së në Çikago: Vazhdimësi e kultivimit të raporteve të shkëlqyera të PDK-së me ShBA-në
Sekretari për marrëdhënie ndërkombëtare i PDK-së, Bernard Nikaj, ka marrë pjesë në forumin ndërkombëtar të liderëve. Kjo ngjarje është organizuar nga NDI në kuadër të Konventës së Demokratëve në Çikago, ku është duke marrë pjesë edhe Kurti.
Ai ka thënë se pas vizitës së Bedri Hamzës në Uashington, pjesëmarrja e tij në DNC “është vazhdimësi e kultivimit të raporteve të shkëlqyera të PDK-së me të gjithë akterët politikë dhe shtetërorë në SHBA”.
“Pas vizitës së kandidatit tonë për kryeministër, z. Bedri Hamza, javën e kaluar në nder dhe kënaqësi që, në emër të kryetarit Memli Krasniqi, të përfaqësoj Partinë Demokratike të Kosovës në Forumin Ndërkombëtar të Liderëve (ILF), organizuar nga NDI në kuadër të Konventës Kombëtare të Partisë Demokratike (DNC) në Çikago. Pas vizitës së kandidatit tonë për Kryeministër, z. Bedri Hamza, javën e kaluar në Uashington, pjesëmarrja ime në DNC është vazhdimësi e kultivimit të raporteve të shkëlqyera të PDK-së me të gjithë akterët politikë dhe shtetërorë në ShBA. Rruga e Kosovës drejt së ardhmes euro-atlantike është e pamundur pa mbështetjen e plotë të Shteteve të Bashkuara të Amerikës”, ka shkruar Nikaj në “Facebook”.