![](https://www.epokaere.com/wp-content/uploads/2024/06/ffk-uefa-flamujt.jpg)
Dalin në shitje biletat për ndeshjen Kosovë-Rumani
Përfaqësuesja e Kosovës në futboll do ta fillojë sezonin e ri të Ligës së Kombeve më 6 shtator. Ndeshjen hapëse Kosova do ta zhvillojë kundër Rumanisë në “Fadil Vokrri”. E për këtë ndeshje veçse kanë dalë biletat në shitje. Kështu ka njoftuar Federata e Futbollit të Kosovës.
E biletat do të shiten vetëm online, përmes platformës si në vijim:
Ndërsa, për të blerë një biletë, duhet të krijoni një llogari në këtë platformë.
Çmimet do të jenë si në ndeshjet e tjera zyrtare të Kombëtares së Kosovës.
Në tribunat në Jug dhe Veri, një biletë kushton 5 euro, ndërsa 10 euro kushton në Lindje e 20 në Perëndim.
Kosova luan në Grupin 2 të Ligës C.
Veç me Rumaninë, në shtator Kosova do ta luajë edhe ndeshjen kundër Qipros më 9 shtator, në Qipro.
Dy ndeshjet tjera, atë me Lituaninë dhe me Qipron (ndeshjen e kthimit), Kosova do t’i luajë në muajin tetor.
Kurse dy përballjet e fundit do t’i zhvillojë në nëntor, me Rumaninë më 15 dhe me Lituaninë në “Fadil Vokrri” më 18 nëntor.